दुई वर्षको अवधिमा नेपालबाट विदेशी लगानीकर्ताले झन्डै ४२ अर्ब नगद लाभांश लगेका छन् । नेपाल राष्ट्र बैंकका अनुसार आर्थिक वर्ष ७७/७८ र ७८/७९ मा गरि कुल ४१ अर्ब ८२ करोड ६० लाख बराबरको नगद लाभांशको रुपमा बाहिरिएको हो ।
जस मध्ये २६ अर्ब ७ करोड ६६ लाख आर्थिक वर्ष ७७/७८ मा बाहिरिएको हो भने आर्थिक वर्ष ७८/७९ मा १५ अर्ब ७५ करोड १ लाख बाहिरिएको हो । आर्थिक वर्ष ७७/७८ को तुलनामामा आर्थिक वर्ष ७८/७९ मा ३९.६ प्रतिशत कम रकम बाहिरिएको हो ।
राष्ट्र बैंकका अनुसार आर्थिक वर्ष ७७/७८ मा ३८ व्यक्ति तथा संस्थालाई नगद लाभांश बाहिर लैजान स्वीकृति दिइएको थियो भने ७८/७९ मा ४५ व्यक्ति तथा संस्थालाई स्वीकृति दिइएको हो । त्यस्तै आर्थिक वर्ष ७७/७८ मा विदेशी लगानीकर्ताले आफ्नो स्वामित्वको शेयर बिक्रि गरेर ४१ करोड १० लाख लगेका छन् भने आर्थिक वर्ष ७८/७९ मा उनीहरुले आफ्नो स्वामित्वको शेयर बिक्रि गरेर ७८ करोड ६२ लाख लगेका छन् ।
एनसेल, सूर्य नेपाल, हिमाल पावर, वरुण बेभरेज, मणिपाल एजुकेशन, स्ट्याण्डर्ड चार्टर्ड बैंक, नेपाल एसबिआई बैंक, हिमालयन बैंक, एनएमबि बैंक लगायतका लगानीकर्ताले लाभांश वापतको ठूलो रकम लैजाने गरेका छन्