कृषि विकास बैंकले आफ्नो बैंक खातासँग सम्बन्धित विवरण कसैलाई पनि नदिन आग्रह गरेको छ। बैंकले आफ्नो खातासँग सम्बन्धित गोप्य सूचना तथा नम्बरहरु कसैलाई पनि नदिन आग्रह गरेको हो।
खाताको केवाईसी अपडेट गर्ने प्रयोजनका लागि भनेर वा अन्य कुनै प्रयोजनका लागि ओटीपी, लिंक, पिन कोड तथा पासवर्ड जस्ता सूचनाहरु बैंकले नमाग्ने भएकोले कसैले यस प्रकारका गोप्य सूचना तथा नम्बरहरु मागेमा उपलब्ध नगराउन आग्रह गरेको हो ।
त्यस्तै बैंकको लोगो तथा बैंकसंग सम्बन्धित फोटोहरु राखि सामाजिक संजाल मार्फत विभिन्न प्रकारका लिङकहरु प्रयोग गरि ठगिमा परेको भन्ने गुनासाहरु सेवाग्राहीवाट प्राप्त भएकोमा बैंकले यस प्रकारका सामाजिक संजालमार्फत चिठ्ठा तथा उपहार कार्यक्रमको कुनै घोषणा नगरेको प्रष्ट पारेको छ ।
कसैले सामाजिक संजालमार्फत चिठ्ठा तथा उपहार कार्यक्रम गरेको जानकारी पाइएमा तत्काल बैंकको नजिकको शाखामा वा टोल फ्री नं. १६६००१११११० मा वा ९८४७३४६०९५ वा ०१४२६३३८७ मा जानकारी गराई दिन बैंकले अनुरोध गरेको छ।
यस्तो छ बैंकको सूचना: