नेपाल इन्फ्रास्ट्रकचर बैंक निफ्रालाई अन्य संस्थामा निक्षेपको रुपमा ब्याज खाने गरि रकम राख्ने बाटो खुलेको छ। यस अघि स्थापना भएको ४ वर्षसम्म मात्र निक्षेप राख्न सकिने ब्यबस्था भएकोमा नेपाल राष्ट्र बैंकले एकिकृत निर्देशन जारी गर्दै पाचौ वर्षमा पनि निक्षेप राख्न सकिने ब्यबस्था गरेको हो ।
जस अनुसार बैंक निफ्राले कारोबार सञ्चालनभएको मितिले बढीमा ४ वर्षसम्म सबै प्रकारका स्रोतलाई र तत्पश्चात निक्षेप बाहेक संकलन भएको स्रोतलाई संकलन गरेको वर्ष संकलित स्रोतको ७५ प्रतिशतसम्म, दोश्रो वर्ष ५० प्रतिशतसम्म र तेश्रो वर्ष २५ प्रतिशतसम्म प्रतिस्पर्धाको माध्यमबाट बैंक तथा वित्तीय संस्थाहरुमा ब्याज प्राप्त हुने गरी प्रत्येक संस्थामा बढीमा रु. १ अर्बको सीमामा नबढ्ने गरी निक्षेप जम्मा गर्न सक्ने छ ।
नेपाल राष्ट्र बैंकले आज पूर्वाधार विकास बैंकको हकमा यस्तो निर्देशन जारी गरेको हो ।
