विगत एक वर्षयता ५४ लाख भन्दा बढी प्रयोगकर्ताहरू थपिएर असोजसम्म २ करोड २ लाख ७६ हजार १ सय ६१ जनाले डिजिटल वालेट प्रयोग गर्न थालेको पाइएको छ । राष्ट्र बैंकको तथ्यांकअनुसार अघिल्लो वर्ष असोजसम्म भने वालेट प्रयोकर्ता संख्या १ करोड ४८ लाख ३९ हजार ८ सय २० थियो । अघिल्लो महिना भदौसम्म १ करोड ९९ लाख २२ हजार ४ सय ४३ प्रयोगकर्ता थिए ।
यस्तै वालेटबाट हुने गरेको कारोबार रकममा पनि वृद्धि भएको छ । असोजसम्ममा २ करोड २६ लाख २२ हजार १ सय ७० पटकमा २२ अर्ब ७९ करोड रुपैयाँबराबर कारोबार भएको राष्ट्र बैंकको तथ्यांकले देखाउँछ । गत आर्थिक वर्ष असोजमा भने यस्तो कारोबार १६ अर्ब ५६ करोड रुपैयाँबराबर थियो ।
त्यस्तै यो अवधिमा मोबाइल बैंकिङ प्रयोगकर्ता संख्या २ करोड २२ लाख ८४ हजार २ सय २२ पुगेको छ । यी प्रयोगकर्ताले ३ करोड २७ लाख ७२ हजार ८ सय ३९ पटकमा २ खर्ब ७७ अर्ब ८२ करोड रुपैयाँबराबर कारोबार गरेका छन् ।
त्यस्तै असोजसम्म क्यूआर कोडमार्फत ३६ अर्ब २१ करोड रुपैयाँको कारोबार भएकोमा राष्ट्र बैंकले दिएको छ ।
