सिटिजन्स बैंक इन्टरनेसनल लिमिटेडले फोनपे नेटवर्क सँगको सहकार्यमा क्रस वोर्डर व्यवसायिक भुक्तानी सेवा सुरुवात गरेको छ । यस सेवा अन्तर्गत पहिलो चरणमा सिटिजन्स बैंक मार्फत क्यू.आर. भुक्तानी सेवा लिएका व्यवसायहरुमा कारोवार गर्दा भारतीय एप मार्फत भुक्तनी गर्न सकिने बैंकले जनाएको छ ।
बैंकका अनुसार हाललाई यस्तो सेवा भारतीय एप भिम र फोनपे एपमार्फत नेपाल स्थित सिटिजन्स बैंकका फोनपे क्यू.आर. मार्फत गर्न सकिने भएता पनि भविष्यमा बैंकको मोबाइल बैंकिङ्ग एप मार्फत भारतमा समेत कारेवार गर्न मिल्ने व्यवस्था गर्न लागिएको छ । यसका साथै सिटिजन्स बैंककै मोबाइल बैकिंङ्ग प्रयोग गरि भारतमा र भारतबाट सिटिजन्स बैंकका खातामा समेत रकमान्तर गर्न मिल्ने गरि कार्य भइरहेको बैंकले जनाएको छ ।
बैंकले १९० वटा शाखा, १५२ वटा ए.टि.एम. र ९७ वटा शाखा रहित बैंकिङ्ग ईकाईहरुबाट बैंकिङ्ग सेवाहरु प्रदानगर्दै आएको छ ।