नेपाल उद्योग वाणिज्य महासंघका उपाध्यक्ष सुरकृष्ण वैद्यले आर्थिक मन्दी लम्बिँदै गए देश झनै आर्थिक संकटमा फस्ने जोखिम बढ्ने बताएका छन् । नेपाल आर्थिक पत्रकार संघ (नाफिज)को १४औँ साधारणसभामा आफ्नो मन्तव्य राख्दै उनले देश आर्थिक रुपमा दुर्घटनाको नजिक रहेकाले अर्थतन्त्र बिग्रनबाट जोगाउन निजी क्षेत्र र सरकारबीच सहकार्य हुन आवश्यक रहेको बताए ।
‘अर्थतन्त्र मन्दीमा छ, असहज अवस्थामा छ, देश आर्थिक रुपमा दुर्घटनाको नजिक पुगेको छ’ उनले भने, ‘यसबाट देशलाई जोगाउन सरकार र निजी क्षेत्रबीच सहकार्य हुन आवश्यक छ, निजी क्षेत्रले अर्थ मन्त्रालय र राष्ट्र बैंकसँग यस विषयमा छलफल पनि गरिरहेको छ, यसलाई अझै बढाउनुपर्ने छ ।’
उपाध्यक्ष वैद्यले उद्योगी व्यवसायीहरु भनेका करदाता भएकाले उनीहरुलाई करदाताको रुपमा व्यवहार गर्न सरकारसँग पनि माग गरेका छन् ।
