गुगल, फेसबुक जस्ता बहुराष्ट्रिय प्राविधिक तथा सामाजिक सञ्जाल कम्पनीले पहिलो पटक नेपालमा कर तिरेका छन् । चालु आर्थिक वर्षमा नेपालको कर प्रणालीमा दर्ता भएपछि गुगल र फेसबुकसहित ९ कम्पनीले कर बुझाएका हुन् ।
नेपालमा डिजिटल सेवा उपलब्ध गराउने गैरबासिन्दा व्यक्ति तथा कम्पनीले नेपालमा कारोबार गरेबापत कर तिर्नुपर्ने प्रावधान अनुसार गुगल, फेसबुकको मातृ कम्पनी मेटा, युट्युब र टिकटकसहित ९ कम्पनीले ल्य अभिवृद्धि कर (भ्याट) बुझाएका हुन् । यी कम्पनीबाट भ्याटबापत ९ करोड रुपैयाँ संकलन भएको छ ।
सँगै कारोबारको २ प्रतिशत विद्युतीय सेवा कर (डीएसटी) पनि दाखिला गरेका छन् ।
यस्ता कम्पनीले सहजै कर तिर्न सकुन् भनेर आन्तरिक राजस्व विभागले राष्ट्र बैंकमा डलर खाता खोलेको थियो । सोही खातामा उनीहरूले आफ्नो कार्यालय भएको देशबाट कर दाखिला गरेका हुन् ।