चालु आर्थिक वर्षको ५ महिनामा १ हजार २ सय १ केजी ८६४ ग्राम सुन आयात भएको छ । जसमध्ये २०१ केजी ३६४ ग्राम सुन मसिंरमा भित्रिएको भन्सार विभागले जनाएको छ ।
विभागका अनुसार यो ५ महिनामा ३ देशबाट उक्त परिमाणमा सुन भित्रिएको हो । उक्त सुन आयातबाट १ अर्ब ४९ करोड ५६ लाख ८८ हजार रुपैयाँ राजस्व उठेको छ ।
यो अवधिमा यूनाइटेड अरब ईमिरेट्सबाट ११ सय केजी ५०० ग्राम, टर्कीबाट १०० केजी र भारतबाट १ केजी ३६४ ग्राम सुन भित्रिएको हो । उक्त सुन आयात गर्दा ९ अर्ब ९७ करोड ११ लाख ६३ हजार रुपैयाँ बाहिरिएको छ ।
