नेपाल सुनचाँदी ब्यवसायी महासंघले उद्योगहरुका लागि चाँदी आयात खुलाउन राष्ट्र बैंक समक्ष आग्रह गरेको छ । महासंघका अध्यक्ष माणिकरत्न शाक्यको नेतृत्वमा गर्भनर महाप्रसाद अधिकारीसहित राष्ट्र बैंकका अधिकारीहरुलाई भेट्न गएको टोलीले राष्ट्र बैंकका गभर्नर अधिकारीसँग चाँदीको आयात खुलाउन माग गरेको हो ।
अहिले एक पटकमा ६० हजार डलर सम्मको मात्रै चाँदी ल्याउन पाउने व्यवस्थाले उद्योगी ब्यवसायीको लागत बढी पर्न गएको भन्दै ब्यवसायीहरुले आयातको सिमा बढाउन माग गरेका हुन् । ब्यवसायीको आग्रह सुनेपछि गभर्नर अधिकारीले आफूले ब्यवसायीको मागलाई सकारात्मक रुपमा लिएको प्रतिक्रिया दिएका छन् ।
भेटघाटमा राष्ट्र बैंकका डेपुटी गभर्नर निलम ढुङगाना, बमबहादुर मिश्र र महासंघका उपाध्यक्ष पवनकुमार सोमानी, कार्यवाहक महासचिव किरणभाई बज्राचार्य, प्रवक्ता मनोजकुमार साह पनि उपस्थित थिए।