.gif)
श्रृजनशील लघुवित्त र मानुषी लघुवित्तको मर्जर तोडिएको छ। मानुषी लघुवित्तले श्रृजनशील लघुवित्तको हालको वित्तीय अवस्था सन्तोषजनक नभएको भन्दै डिमर्जको प्रक्रिया अगाडी बढाईएको पत्र राष्ट्र बैंकमा पठाएको छ ।
यी दुई संस्थाबीच २०७९ चैत्र २ गते मर्जरको लागि समझदारी पत्रमा हस्ताक्षर भएको थियो। २०८० पौष ११ गते अन्तिम सम्झौता पत्रमा हस्ताक्षर भई २०८० माघ ७ गते राष्ट्र बैंक बैंकमा मर्जर गर्न अन्तिम स्वीकृति प्राप्त गर्न निवेदन दिएका थिए ।
राष्ट्र बैंकबाट अन्तिम स्वीकृति पाउने चरणमा नै रहेको अवस्थामा मानुषी लघुवित्तले श्रृजनशील लघुवित्तको वित्तीय संस्थाको सन्तोषजनक नदेखिएको र यथास्थितिमा मर्जरको प्रक्रिया अगाडी बढाउने अवस्था नदेखिएको भन्दै डिमर्ज (Demerge) गर्ने प्रकृया अगाडी बढाउने निर्णय गरेको हो।
यी दुई सस्थाबीच ७३:१०० को अनुपातमा मर्जरको लागि स्वाप तय भएको थियो । डिडिए रिपोर्टको आधारमा तय भएको शेयर आदान प्रदान अनुपात ७३: १०० अर्थात मानुषी लघुवित्त वित्तीय संस्था लि. र श्रृजनशील लघुवित्त वित्तीय संस्था लि. क्रमश ७३ र १०० पारित भएको थियो ।
