हाइड्रोइलेक्ट्रीसिटी इन्भेष्टमेन्ट एण्ड डेभलपमेन्ट कम्पनी (एचआईडिसीएल) ले आर्थिक वर्ष ७६/७७ को साधारणसभा आह्वान गरेको छ । कम्पनीले पुस २९ गते बुधबार बिहान ११ बजे भर्चुअल माध्यमबाट संचालन हुने गरि सभा आह्वान गरेको हो ।
सभामा अध्यक्षको प्रतिवेदन उपर छलफल गरि पारित गर्ने, लेखापरीक्षकको प्रतिवेदन उपर छलफल गरि पारित गर्ने, प्रबन्धपत्र नियमावलीमा आवश्यक संशोधन गर्ने, लेखापरीक्षकको नियुक्ति गरि निजको पारिश्रमिक तोक्ने, सर्बसाधारण शेयरधनीबाट प्रतिनिधित्व गर्ने १ जना संचालकको निर्वाचन गर्ने, तथा सामाजिक उत्तरदायित्व शिर्षकमा खर्च भएको ५० लाख रकम अनुमोदन गर्ने लगायतका प्रस्ताव पेश हुने छन् ।
कम्पनीले साधारणसभा प्रयोजनको लागि पुस १७ गते बुक क्लोज गर्ने निर्णय गरेको छ । पुस १६ गतेसम्म कायम शेयरधनीले मात्र सभामा भाग लिन सक्ने छन् ।