कुमारी क्यापिटलले संचालन गरेको दुई वटा सामुहिक लगानी कोष योजनाको लाभांश घोषणा भएको छ । योजना व्यवस्थापक कुमारी क्यापिटलको संचालक समितिको बैठकले आर्थिक वर्ष २०७९ / ८० को लागि कुमारी इक्वीटी फण्ड र कुमारी धनबृद्धि योजनाको लाभांश घोषणा गरेको हो ।
जस अनुसार “कुमारी सामूहिक लगानी कोष” अन्तर्गत सञ्चालित योजना कुमारी इक्वीटी फण्डले १० प्रतिशत (कर सहित) र कुमारी धनबृद्धि योजनाले ६ प्रतिशत (कर सहित) का दरले आ-आफ्ना इकाईधनीहरुलाई नगद लाभांश वितरण गर्ने छ ।
साथै ईकाइधनी दर्ता किताब बन्द हुने सम्बन्धी सूचना निकट भविष्यमा प्रकाशित गरिने क्यापिटलले जनाएको छ।