माविलुङ्ग इनर्जीले साधारणसभा आह्वान गरेको छ। कम्पनीले मङ्सिर २१ गते साधारणसभा आह्वान गरेको हो ।
सभामा आईपीओ निष्काशन गर्ने प्रस्ताव हुने छ । कम्पनीले १०० रुपैयाँ अंकित दरका १८ करोड ९० लाख ५४ हजार रकम बराबरको १८ लाख ९० हजार ५ सय ४० कित्ता साधारण शेयर निष्काशन गर्ने तयारी गरेको छ। कम्पनीले शेयर निष्काशनको लागि लक्ष्मी क्यापिटललाई बिक्री प्रबन्धक नियुक्त गरिसकेको छ ।
त्यस्तै कम्पनीको साधारणसभामा कम्पनीको वार्षिक प्रतिवेदन छलफल गरी पारित गर्ने , लेखा परिक्षण प्रतिवेदन पारित गर्ने, कम्पनीको आ.व. २०८०/०८१ को लागि लेखापरिक्षक नियुक्त गर्ने , सञ्चालक समितिको सेवा सुविधा सम्बन्धमा निर्णय गर्ने, र कम्पनीको कार्ययोजना पारित गर्ने प्रस्तावहरु पेश हुने छ।
माबिलुङ्गग इनर्जीले संखुवासभा जिल्लाको चैनपुर मादि नगरपालिकामा रहेको ४ं.९५ मेगावाट क्षमताको माथिल्लो पिलुवा खोला ३ जलबिद्युत आयोजना निर्माणा गरिरहेको छ । कम्पनीका अनुसार आयोजनाको ५० प्रतिशत कार्य सम्पन्न भईसकेको छ ।
