दिब्यश्वरी हाइड्रोपावर लिमिटेडले हकप्रद निष्काशन गर्ने भएको छ । कम्पनीको मङ्सिर २९ गते बसेको संचालक समितिको बैठकले हकप्रद निष्काशन गर्ने निर्णय गरेको हो ।
कम्पनीले हाल कायम चुक्ता पुँजीको १:१ अनुपातमा १०० प्रतिशत हकप्रद शेयर जारी गर्ने निर्णय गरेको हो । कम्पनीले यस अघि गत असोज २९ गते १:२ को अनुपातमा २ सय प्रतिशत हकप्रद निष्काशन गर्ने निर्णय गरेको थियो । त्यसलाई रद्द गरि कम्पनीले अब शतप्रतिशत मात्र हकप्रद निष्काशन गर्ने निर्णय गरेको हो । कम्पनीले दीर्घकालीन ऋण तिर्न हकप्रद निष्काशन गर्ने जनाएको हो ।
उक्त प्रस्ताव नियमनकारी निकाय विद्युत नियमन आयोगबाट स्वीकृती प्राप्त भए पश्चात् कम्पनीको आगामी साधारण सभामा पेश गर्ने कम्पनीले जनाएको छ।