.gif)
नेपाल पावर एक्सचेन्ज लिमिटेड (नेपेक्स)ले साधारणसभा आह्वान गरेको छ । कम्पनीले पुस २८ गते साधारणसभा आह्वान गरेको हो ।
साधारणसभामा लाभांश सहितका विविध प्रस्ताव पेश हुने छन् । कम्पनीले आर्थिक वर्ष २०७९/८० को मुनाफाबाट ५.२६३ प्रतिशत नगद लाभांश वितरण गर्ने प्रस्ताव गरेको छ ।
त्यस्तै सभामा सञ्चालक समितिको आ.व २०७९।०८० को वार्षिक प्रतिवेदन प्रस्तुत, छलफल तथा स्वीकृत गर्ने, लेखा परीक्षणको प्रतिवेदनसहितको आ.व. २०७९।०८० को बित्तीय बिबरणमाथि छलफल गरी स्वीकृत गर्ने ,. आ.व. २०८०/०८१ का लागि लेखा परीक्षकको नियुक्ति तथा निजको पारिश्रमिक निर्धारण गर्ने र सन्चालक समितिका निर्णयहरुलाई अनुमोदन गर्ने प्रस्ताव पेश हुने छन्।
स्वतन्त्र उर्जा उत्पादकहरुको लगानीमा नेपेक्स स्थापना भएको हो । नेप्सेक्सको अधिकृत पूँजी दुई अर्ब, र चुक्ता पूँजी २० करोड रुपैयाँ छ । भारत तथा बंगलादेशसँग विद्युत ब्यापार गर्ने उदेश्यका साथ यो कम्पनी स्थापना भएको हो । हाल प्रस्तावित विद्युत विधेयकमा निजि क्षेत्रले पनि विद्युत ब्यापार गर्न सक्ने उल्लेख छ । विद्युत बिक्रिका लागि हाल भईरहेका प्रसारण लाइन व्हिलिङ चार्च दिएर प्रयोग गर्ने र सरकारले अनुमति दिएमा आफै प्रसारण लाइन बनाउने योजना पनि नेपेक्सको छ ।
२ वर्ष अगाडी नेपालमा आयोजित पावर मार्केट सम्मिटमा तत्कालिन उर्जामन्त्री पम्फा भुषालको उपस्थितिमा नेप्सेक्सले भारतको मनिकरण पावर लिमिटेडसँग विद्युत बेच्ने सम्झौता पनि गरेको थियो । सम्झौता अनुसार नेपेक्सले मनिकरणलाई तत्काल ५०० मेगावाट विद्युत बिक्रि गर्ने र मनिकरणले नेप्सेक्समा १५ प्रतिशत शेयर लगानी गर्ने उल्लेख थियो ।
.gif)
