अरुण भ्याली हाइड्रोपावर कम्पनीले हकप्रद निष्काशन प्रयोजनको लागि बुक क्लोज मिति तय गरेको छ। कम्पनीले हकप्रद निष्काशन प्रयोजनको लागि माघ १५ गते बुक क्लोज गर्ने निर्णय गरेको हो । यस संगै माघ १४ गतेसम कायम शेयरधनीले मात्र कम्पनीले निष्काशन गर्ने हक्र्प्रदमा आवेदन दिन सक्ने छन् ।
कम्पनीले १:१ को अनुपातमा शत प्रतिशत हकप्रद निष्काशन गर्न लागेको हो। अब कम्पनीले १ करोड ८६ लाख ७९ हजार ६ सय २६ कित्ता शेयर निष्काशन गर्ने छ । शेयर निष्काशनको लागि मुक्तिनाथ क्यापिटल बिक्रि प्रबन्धक रहेको छ ।
नेपाल धितोपत्र बोर्डले पुस १९ गते कम्पनीलाई हकप्रद निष्काशन अनुमति दिएको हो । कम्पनीले हकप्रद निष्काशन मिति भने तय गरेको छैन ।