.gif)
आज सोमबार शेयर बजार परिसूचक नेप्से दोहोरो अंकले बढेको छ । आज नेप्से सूचक १४.५७ अंकले बढेर २०७६.२७ को बिन्दुमा पुगेर रोकिएको हो ।
अन्तिम मिनेटमा नेपाल टेलिकमको शेयर मूल्य १० प्रतिशतले बढेपछि नेप्से सूचक पनि दोहोरो अंकले बढेको हो । ३ बजेर ५९ मिनेटसम्म नेप्से सूचक २०६४ को बिन्दुमा रहेकोमा अन्तिम मिनेटमा नेपाल टेलिकममा पोजेटिभ सर्किट लागेपछि समग्र सूचक थप १२ अंकले बढेको हो ।
आज कारोबारमा आएका ३१० कम्पनीका ७४ लाख ९१ हजार ३ सय ३ कित्ता शेयर खरिदबिक्रीबाट २ अर्ब ४३ करोड ८० लाख ५८ हजार २ सय ५४ रुपैयाँ ५६ पैसाको कारोबार भएको छ । जस मध्ये हिमालयन रिइन्स्योरेन्स (एचआरएल)को सर्वाधिक १८ करोड ५९ लाखको कारोबार भएको छ भने ङादी ग्रुप पावरको शेयर मूल्य १५ करोड ४६ लाखको कारोबार भएको छ ।
आज कारोबारमा आएका मध्ये नेपाल टेलिकम र पिपुल्स पावरको शेयर मूल्य १० प्रतिशतले बढेको छ भने समाज लघुवित्तको शेयर मूल्य ९.९९ प्रतिशत बढेको छ । त्यस्तै जोशी हाइड्रोको शेयर मूल्य ९.९६ प्रतिशत तथा गुराँस लघुवित्त ७.९६ प्रतिशत बढेको छ ।
आज कारोबारमा आएका मध्ये स्वाभिमान लाघुबितातको शेयर मूल्य सर्वाधिक ६.७८ प्रतिशत, विशाल बजार कम्पनीको शेयर मूल्य ५.३६ प्रतिशत तथा चन्द्रागिरी हिल्सको शेयर मूल्य ३.८३ प्रतिशत घटेको छ ।
आज कारोबारमा आएका मध्ये होटेल तथा पर्यटन, उत्पादन तथा प्रशोधन, म्युचुअल फण्ड, र निर्जीवन बीमा समुहको सूचक घटेको छ । जस मध्ये होटेल समुह सर्वाधिक ०.२० प्रतिशत घटेको छ । आज नेपाल टेलिकम समावेश अन्य समुह सर्वाधिक ४.६८ प्रतिशत बढेको छ।
आज कारोबारमा आएका मध्ये १४८ कम्पनीको मूल्य बढेको छ भने ८६ कम्पनीको मूल्य घटेको छ ।
.gif)
