संघीय समाजवादी फोरम नेपालका अध्यक्ष तथा संघीय गठवन्धनका अध्यक्ष उपेन्द्र यादव स्वदेश फर्किएका छन् । यादव आफ्नो भारत भ्रमण पुरा गरी नेपाल फर्केका हुन् ।
यादव फर्किएपछि आज नै शिर्ष तहमा सरकार-मोर्चाबिच वार्ता हुने भएको छ । प्रधानमन्त्री पुष्पकमल दाहाल प्रचण्ड आज नै ६ दिने चीन भ्रमणमा जादै छन् । चीन भ्रमणमा जानु अघि नै मोर्चासंग संविधान संशोधन, स्थानिय चुनाव लगायतका बिषयमा सहमति जुटाउन प्रधानमन्त्री सक्रिय भएका हुन् ।
यसै अनुरुप प्रधानमन्त्रीले संयुक्त लोकतान्त्रिक मधेशी मोर्चाका शीर्ष नेताहरूलाई भेटेर छलफल गर्दै छन्। आज साँझ ५ बजे बालुवाटारमा हुने छलफलमा सहमति जुट्ने स्रोतले बताएको छ ।
सीमांकन बाहेकका बिषयमा संविधान संसोधन गर्न बिपक्षी एमाले पनि लचक भएको तर मोर्चाले पनि चुनावमा भाग लिने सुनिश्चितता खोजेको छ । स्रोतका अनुसार तीन महिनाभित्रै सीमांकन सहितका सबै विवादित विषय टुँगो लगाउने गरी सहमति हुन् सक्ने छ।