सरकारले स्थानीय तहको चुनावमा खटिने म्यादी प्रहरीको भर्ना खुलाएको छ । प्रहरी प्रधान कार्यालयको मानवश्रोत विकास बिभागले चुनावलाई आवश्यक पर्ने ७५ हजार म्यादी प्रहरीको लागि दरखास्त आह्वान गरेको हो ।
१८ बर्ष पुरा भई ५४ बर्ष ननाघेका, कुनै फौजदारी अभियोग नलागेको, साधारण लेखपढ गर्न सक्ने, नेपाली नागरिकले दरखास्त दिन पाउने व्यवस्था गरिएको छ । दरखास्त दिन इच्छुक व्यक्तिले देशभरका सबै जिल्ला प्रहरी कार्यालयबाट दरखास्त दिन सक्ने छन् ।
नेपाली नागरिकताको प्रमाणपत्र, शैक्षिक योग्यताको प्रमाण साथै भुपु आर्मी, प्रहरीले सेवा निवृत हुँदाको प्रमाणपत्रका साथ १० रुपैयाँको हुलाक टिकट टाँस फारम भरेर जिल्ला प्रहरी कार्यालयमा फारम बुझाउन सक्ने व्यवस्था गरिएको छ । यसरी खटिने म्यादी प्रहरीहरुले ५५ दिन काम गर्नु पर्नेछ भने नेपाल प्रहरीको जवानले पाए सरह सेवा सुविधाप्राप्त गर्ने छन्।
हेर्नुस सूचना र फारम ।