असार २४ गतेदेखि लागु हुने गरी सवारीसाधन धनीले नारायणगढ- बुटवल सडक खण्डमा बढी सडक दस्तुर तिर्नु पर्ने भएको छ। सडक बोर्डले २४ गते मध्यरातदेखि लागु हुने गरी सडक दस्तुर बढाएको हो ।
अब यस सडक खण्डमा भारी सवारी साधन (बस, मिनिबस, ट्रक, मिनीट्रक र हेभी मशिनरी)ले १३० रुपैयाँ तिर्नु पर्ने छ । त्यस्तै हलुका सवारी साधन ( कार, जिप, पिकअप, भ्यान, र ट्रयाकटर) ले ६० रुपैयाँ तिर्नु पर्ने छ । तिनपांग्रे टेम्पो र मोटरसाइकलले १० रुपैयाँ तिर्नु पर्ने छ ।
चैत १४ गते बसेको मन्त्रिपरिषदको बैठकले साना र ठूला गाडीले सडक प्रयोग गरे वापत तिर्नुपर्ने दस्तुर वृद्धि गरेको थियो । यस सडक खण्डमा सोहि दस्तुर असार २४ गतेदेखि लागु हुने भएको हो ।
