कुनै पनि निकायमा दर्ता नभई नेपालमा सञ्चालनको कुनै पनि प्रक्रिया पूरा नगरेको राइड सेयरिङ कम्पनी ‘इन–ड्राइइभर’का सम्बन्धमा जिल्ला प्रशासन कार्यालयमा गुनासो पुगेको छ ।
सुरक्षाका दृष्टिकोणले असुरक्षित रहेको, बीमा नभएको र राइडर (चालक)हरु जिम्मेवार नभएको विषयमा प्रशासनमा गुनासो पुगेको हो । जिल्ला प्रशासन कार्यालय काठमाडौँकी सहायक प्रमुख जिल्ला अधिकारी एवं सूचना अधिकारी सुप्रभा खनाल ढुंगेलका अनुसार बिहीबार शुक्रबार तिर आएको गुनासोका विषयमा अनुसन्धान गर्न प्रहरीलाई भनिएको छ ।
यो पनिः
खुलेयाम अवैध धन्दा चलाउँदै ‘इन–ड्राइभर’, जोखिममा यात्रु
‘गुनासो आएको छ, यस विषयमा आवश्यक कारबाहीका लागि भनेर प्रहरीलाई लेखेर पठाएका छौँ,’ उनले भनिन् ।
इन–ड्राइभर अमेरिकी कम्पनी हो । यसले विगत केही महिनादेखि नेपालमा निर्वाध रुपमा ब्यापार गरिरहेको छ । तर, यो कम्पनी कुनै पनि आधिकारिक निकायमा दर्ता छैन ।
