.gif)
इरानले इजरायलमाथि गरिएको आक्रमण सफल भएको प्रतिक्रिया दिएको छ । इरानका मिलिट्री कमाण्डर मोहम्मद बाधेरीले आक्रमण सफल भएको र आक्रमणको उदेश्य प्राप्त भएको बताएका हुन् ।
उनले आक्रमणको क्रममा आम नागरिकलाई लक्ष्य नबनाइएको प्रष्ट पारे । उनले अब थप आक्रमण नहुने बताए । तर यदि इजरायलले जवाफी आक्रमण गरेमा अहिलेको भन्दा ठूलो आक्रमण गर्ने चेतावनी उनले दिएका छन् ।
इरानले गएराति इजरायलमाथि ड्रोन र क्षेप्यास्त्र प्रयोग गर्दै आक्रमण गरेको थियो। इजरेली सेनाका अनुसार तेहरानले इजरेलतर्फ दुई सयभन्दा धेरै क्षेप्यास्त्र र ड्रोन प्रहार गरेको थियो । ती धेरैजसोलाई निस्तेज पारिएको इजरायलले जनाएको छ।
अब इरानले गरेको यो आक्रमणको इजरायलले जवाफ दिन्छ कि दिदैंन भन्ने निश्चित छैन।
