नेपाल ईन्स्योरेन्सको प्रमुख कार्यकारी अधिकृत(सीईओ) बिके महर्जनले तलब भत्ता वापत करिब ७५ लाख बुझेका छन् । सीईओ महर्जनले आर्थिक वर्ष ०७९/८० मा तलब भत्ता वापत ७४ लाख ५१ हजार ३०० रुपैयाँ बुझेका हुन् ।
सीईओ महर्जन सहित प्रबन्धक तथा सो भन्दा माथिका पदाधिकारीहरुले तलब, भत्ता तथा अन्य सुविधा वापत ३ करोड १० लाख ८५ हजार ५२२ रुपैयाँ लिएको कम्पनीले जनाएको छ । यसैगरी कम्पनीले सञ्चालक समितिलाई बैठक भत्ता वापत १८ लाख २० हजार रुपैयाँ भुक्तान गरेको छ ।
यस्तै लेखापरीक्षण समितिको संयोजकलाई प्रति बैठक १२ हजार र अन्य सदस्यहरूलाई १० हजार बैठक भत्ता प्रदान भएको कम्पनीले जनाएको छ । साथै टेलिफोन तथा मोवाईल, पत्रपत्रिका, परिवहन तथा ईन्धन, स्वास्थ्य र भैपरी आउने शीर्षक अन्तर्गत मासिक प्रति सञ्चालकलाई एकमुष्ठ रकम ३० हजार भुक्तानी गरेको कम्पनीले उल्लेख गरेको छ ।