राष्ट्रिय ध्वजावाहक वायुसेवा निगमले पहिलोपटक मलेसिया–भैरहवा–काठमाडौं उडान गर्ने भएको छ । मंगलबार बिहान ७:४० बजे निगमको १ सय ५८ सिट क्षमताको न्यारोबडी जहाज मलेसियाको राजधानी क्वालालाम्पुरबाट भैरहवा अवतरण गर्न लागेको हो ।
भैरहवामा ल्याण्ड भएपछि सो विमान काठमाडौँ आउने छ । संस्कृति, पर्यटन तथा नागरिक उड्डयनमन्त्री सुदन किरातीले सो जहाजबाट भैरहवा आउने यात्रुहरुलाई स्वागत गर्न आफु स्वयं भैरहवा जाने बताएका छन् ।
निगमका अनुसार पहिलो चरणमा यो रुटमा साताको एक उडान हुनेछ। निगमले यस अघि नै काठमाडौं–क्वालालाम्पुर–भैरहवा–काठमाडौं उडानका लागि टिकट बुकिङ खुला गरेको थियो ।
