अविरल वर्षाका कारण आन्तरिक हवाई उडानमा समस्या परेको छ । काठमाडौँस्थित त्रिभुवन अन्तर्राष्ट्रिय विमानस्थलका अनुसार वर्षाका कारण ‘भिजिबिलिटी’ कम हुँदा उडान र अवतरणमा समस्या भएको हो ।
विमानस्थलका महाप्रबन्धक प्रतापबाबु तिवारीका अनुसार प्रतिकूल मौसमका कारण आन्तरिक उडान रोकिएको छ । अन्तर्राष्ट्रिय उडान भने नियमित सञ्चालन भइरहेको छ ।
जल तथा मौसम विज्ञान विभागका अनुसार आगामी तीन दिनसम्म वर्षा जारी रहनेछ ।