.gif)
नेपाल राष्ट्र बैंकले आज २० अर्ब आन्तरिक ऋण उठाउने भएको छ । राष्ट्र बैंकले विकास ऋणपत्र 'ट' बिक्री गरेर आन्तरिक ऋण उठाउन लागेको हो । आज बोलकबोल गरेपछि शुक्रबार ऋणपत्र निष्काशन हुने छ ।
राष्ट्र बैंकले बोलकबोल प्रक्रिया मार्फत ऋणपत्र बिक्री गर्न लागेको हो । बोलकबोल प्रक्रियामा बैंक तथा वित्तीय संस्था, गैर बैंक वित्तीय संस्था, बीमा कम्पनी, संगठित संस्था र नेपाली नागरिकले सहभागिता जनाउन सक्ने छन् ।
यो ऋणपत्रको अवधि ४ वर्षको रहेको छ । २०८४ वैशाख ८ गते ऋणपत्रको सावाँ भुक्तानी हुने छ । यसमा अर्धवार्षिक ब्याज प्रदान हुने छ भने ब्याजमा कर लाग्ने छ । धितो राखेर कर्जा लिन तथा दिन समेत पाइने छ।
विकास ऋणपत्र दुइ वर्षभन्दा माथि अर्थात् मध्यम तथा दीर्घकालीन अवधिको आन्तरिक ऋण उठाउन प्रयोग गरिने सरकारी ऋणपत्र हो । हाल नेपाल राष्ट्र बैंकबाट निष्कासन भएका विकास ऋणपत्र ३ वर्षदेखि १५ वर्षअवधि सम्मका रहेका छन् ।
