कुमारी बैंकले पनि माघ महिनाका लागि ब्याजदर घटाएको छ। बैंकले आज गर्दै माघ १ गतेदेखि लागु हुने ब्याजदर प्रकाशन गरेको हो ।
जस अनुसार बैंकले व्यक्तिगत मुद्दति निक्षेपमा अधिकतममा ८.११ प्रतिशत ब्याज दिने भएको छ। पुस महिनामा व्यक्तिगत मुद्दति निक्षेपमा बैंकले अधिकतम ९.३१ प्रतिशत ब्याज दिएको थियो । त्यस्तै बैंकले संस्थागत मुद्दतिमा भने अधिकतम ६.११ प्रतिशत ब्याज दिने भएको छ ।पुसमा यस्तो ब्याज ७.३१ प्रतिशत थियो ।
बैंकमा लगानीयोग्य बढ्दै गएको तर कर्जा प्रवाह हुन नसकेकोले बैंकहरु ब्याज घटाउने तयारीमा छन् । हिजो मात्र एनआईसी एशिया बैंकले ब्याज घटाएको थियो । अन्य बैंकहरुले पनि ब्याजदर घटाउने तयारी गरेका छन् । पुँजी कोषमा दबाब रहेका बैंकहरूले समेत निक्षेपको ब्याजदर घटाउने तयारी गरेका छन्। ब्याजदर घटाएर लागत घटाउने रणनीतिमा बैंकहरु पुगेका हुन् ।