एनआईसी एशिया लघुवित्त वित्तीय संस्थाको अध्यक्षमा सुवर्ण पौडेल चयन भएका छन्। कम्पनीको मंगलबार बसेको संचालक समितिको बैठकले कम्पनीमा संस्थापक समुहबाट प्रतिनिधित्व गर्दै आएका पौडेललाई अध्यक्ष चयन गरेको हो ।
कम्पनीमा यस अघि अध्यक्ष रहेका सन्तोष कुमार राठीले माघ २ गतेबाट लागु हुने गरी राजीनामा दिएकोले कम्पनीले उनको स्थानमा पौडेललाई अध्यक्षमा चयन गरेको हो ।
अध्यक्ष सुवर्ण पौडेलले व्यवस्थापन विषयमा स्नाकोत्तर तथा हाल SME Financingमा विधावारीधी गरी रहेका छन् । उनी सँग इमर्जिङ्ग नेपाल लिमिटेडमा निमित्त प्रमुख कार्यकारी अधिकृत साथै व्यवसाय परामर्श, लगानी तथा वित्तीय क्षेत्र गरी एक दशक बढीको कार्यानुभव रहेको छ। साविकको स्वदेशी लघुवित्त वित्तीय संस्था लिमिटेड र मर्जर पश्चात् हालको एन आई सी एशिया लघुवित्त वित्तीय संस्था लिमिटेडमा ५ वर्ष देखि सञ्चालक समितिमा रहि काम गरेको अनुभव समेत रकेको हुँदा उनको नेतृत्वमा संस्थाले नयाँ उचाई हासिल गर्ने विश्वास व्यक्त गरेको कम्पनीले जनाएको छ।