.gif)
चालु आर्थिक वर्षको आठ महिनामा विद्युतीय गाडी आयातबाट सरकारले रु एक अर्ब ८७ करोड कमाएको (राजस्व सङ्कलन गरेको) छ । चालु आर्थिक वर्ष २०७९÷८० को साउनदेखि फागुनसम्म ७ हजार ९९ वटा विद्युतीय गाडी आयात भएका छन्। ठूला विद्युतीय बसको संख्या यसमा समावेश छैन ।
भन्सार विभागले सार्वजनिक गरेको तथ्याङ्क अनुसार यो आठ महिनाको अवधिमा ६ अर्ब ६१ करोड ६४ लाख रुपैयाँ मूल्य बराबरका ७ हजार ९९ वटा विद्युतीय गाडी आयात भएको हो । विद्युतीय कार आयात हुँदा राज्यले १ अर्ब ८७ करोड १० लाख रुपैयाँ राजस्व सङ्कलन गरेको छ।
यस अवधिमा ४ हजार ९ सय १ वटा तीन पाङ्ग्रे विद्युतीय गाडी आयात भएका छन् ।
आयात भएका चार पाङ्ग्रे सवारी मध्ये अधिकांश सवारी १ सय किलोवाटसम्म क्षमताका छन्। १ सय किलोवाट क्षमतासम्म मोटर भएका २१ सय ३९ वटा विद्युतीय गाडी आयात भएको तथ्याङ्कमा उल्लेख छ । १ सयदेखि २ सय किलोवाटसम्म ५२ वटा र २ सय किलोवाटभन्दा माथिका ७ वटा विद्युतीय गाडी भित्रिएको छ ।
.gif)
