गत वैशाख ३० गते सम्पन्न स्थानीय
तहको निर्वाचनमा ६ महानगरपालिकामा उम्मेदवार भएका तर निर्वाचन आयोगलाई खर्च विवरण
नबुझाएकाहरूबाट आयोगले १५ करोड भन्दा बढी जरिवाना उठाउने भएको छ ।
आयोगका अनुसार ६ महानगरपालिकामा
उम्मेदवार भएका, तीमध्ये चुनाव जितेका र हारेका तर
खर्च विवरण नबुझाएकाहरूको संख्या २ सय ८ रहेको छ ।
आयोगले खर्च विवरण नबुझाउनेहरू
प्रत्येकलाई निर्वाचन आयोग ऐन २०७३ को दफा २४ बमोजिम आयोगले निर्धारण गरेको खर्चको
हदअनुसार हुने गरी ७ लाख ५० हजार जरिवाना तोकेको हो ।
आयोगलाई खर्च नबुझाउनेमा विराटनगरको
प्रमुखमा उम्मेदवारी दिएका नागेश कोइराला,
विरगंजको प्रमुखमा उम्मेद्वारी दिएका बिजय सरावगी र राजेशमान सिंह, काठमाडौँको
प्रमुखमा उम्मेदवारी दिएका केशव स्थापितलगायतका चर्चित नेताहरू पनि सामेल छन् ।
सबैलाई आयोगले गत साउन ३१ गतेभित्र
खर्च विवरण पेश गर्न निर्देशन दिएको थियो । दिइएको समयभित्र खर्च विवरण पेश
नगरेपछि ७ दिनभित्र स्पष्टिकरण पेश गर्न आयोगले अर्को निर्देशन जारी गरेको थियो ।
खर्च विवरण पेश नगरेका उम्मेदवारहरूले
आयोगमा पेश गरेको स्पष्टिकरण चित्तबुझ्दो नभएको भन्दै ६ महानगरका प्रमुख लगायत
अन्य पदमा उम्मेदवारी दिएकाहरूको नाम आयोगले आफ्नो वेबसाइटमा सार्वजनिक गरेको छ ।
हेर्नुहोस् सूची -