.gif)
मनाङबाट प्रदेश सभा सदस्यमा स्वतन्त्र उम्मेदवार दिपक मनाङे (राजीव गुरुङ ) निर्विरोध निर्वाचित भएका छन् । मनाङ प्रदेश सभा ‘ख’ बाट स्वतन्त्र उम्मेदवारी दिएका मनाङेका एक मात्र प्रतिस्पर्धीले उम्मेदवारी फिर्ता लिएपछि मनाङे निर्विरोध निर्वाचित भएका हुन्।
मनाङे विरुद्द दार्जे लामा गुरुङले उम्मेदवारी दिएका थिए । तर दार्जे लामा गुरुङले उम्मेदवारी फिर्ता लिए सँगै मनाङेको एक मात्र उम्मेदवारी कायम रहेकोले उनी निर्विरोध निर्वाचित भएका हुन्। निर्वाचन अधिकृतको कार्यालयले आज नै यसको औपचारिक घोषणा गर्ने भएको छ ।
सो क्षेत्रमा मनाङेलाई सुरुमा गठबन्धनले सहयोग गरेको थियो। तर उनले आफुले गठबन्धन छोडेको बताएपछि एमालेले उनलाई सहयोग गर्दै आफ्नो उम्मेदवार नउठाएको हो ।
मनाङे यस अघि पनि सोहि क्षेत्रबाट प्रदेश सांसद जितेका थिए । मनाङे २०७४ मा पनि स्वतन्त्र उम्मेदवार थिए । गण्डकी प्रदेशमा पृथ्वीसुब्बा गुरुङ नेतृत्वको सरकार बन्दा मनाङे युवा तथा खेलकुद मन्त्री बनेका थिए । पृथ्वीसुब्बा गुरुङको सरकार अल्पमतमा परेपछि मनाङेले गठबन्धनलाई सहयोग गर्दै कृष्णचन्द्र पोखरेल नेतृत्वको सरकारलाई समर्थन गरे । हाल पनि मनाङे कृष्णचन्द्र पोखरेल नेतृत्वको सरकारमा युवा तथा खेलकुद मन्त्री छन् ।
.gif)
