बिहीबार सुनको भाउ बढेको छ । बुधबार प्रतितोला एक लाख २० हजार ७ सय रुपैयाँमा कारोबार भएको छापावाला सुन आज १ हजार ३ सय रुपैयाँले बढेको हो ।
यस दिन छापावाला सुन प्रतितोला एक लाख २२ हजार रुपैयाँमा कारोबार भइरहेको छ । सुनको मूल्य यो हालसम्म कै बढी हो । यसअघि मंसिर १८ गते प्रतितोला सुनको भाउ १ लाख २१ हजार ६ सय रुपैयाँ पुगेको थियो। त्यस्तै आज तेजावी सुन तोलामा १ लाख २१ हजार ४०० रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।
यता, चाँदी प्रतितोला १५ रुपैयाँले बढेको छ। आज चाँदी १ हजार ४ सय ९० रुपैयाँमा कारोबार भइरहेको छ । नेपाल सुनचाँदी व्यवसायी महासंघले प्रति १० ग्राम छापावाल सुनको मूल्य १ लाख ४ हजार ५ सय ९५ रुपैयाँ, प्रति १० ग्राम तेजावी सुनको मूल्य १ लाख ४ हजार ८० रुपैयाँ र प्रति १० ग्राम चाँदीको मूल्य १२ सय ७७ रुपैयाँ ५० पैसा तोकेको छ।
