२०८० सालको अन्तिम शेयर कारोबार आज भएको छ । वर्षको अन्तिम कारोबारमा आज नेप्से परिसूचक १०.७१ अंकले घटेको छ ।
तर, २०८० साल भरी भएको कारोबारमा नेप्से परिसूचक ९०.८२ अंकले बढेको छ ।
२०८० साल बैशाख १ गते परिसूचक १९३४.४८ को विन्दुमा थियो । वर्षको अन्तिम कारोबार दिन आज बुधबार परिसूचक २०२५.३० को विन्दुमा पुगेर रोकिएको छ ।
भोलि चैत्र २९ गते बिहिबार बक्र ईदको सार्वजनिक बिदा परेको छ भने ३० गते शुक्रबार बजार खुल्दैन । यस हिसाबमा आज भएको कारोबार नै २०८० सालको अन्तिम शेयर कारोबार हो ।
२०८० सालको पहिलो कारोबार दिनमा शेयर बजार परिसूचक नेप्से २.८० अंकले घटेको थियो ।
