नेपाल उद्योग वाणिज्य महासंघको जारी निर्वाचनमा जिल्ला नगरमा शतप्रतिशत मतदान भएको छ । निर्वाचन प्रमुख अधिकृत लिलामणि पौडेलका अनुसार जिल्ला नगरको कुल मतदाता ११७ रहेकामा सबै मत खसेको छ ।
यसअघि वस्तुगततर्फ पनि कुल १२३ मत नै खसेर शतप्रतिशत मतदान भएको छ । द्विराष्ट्रियतर्फको ५ मत पनि खसेको छ ।
एसोसियटतर्फ मतदान जारी छ । हालसम्म एसोसियटतर्फ १ हजार १३२ मत खसेको छ । महासंघको निर्वाचनमा कुल १ हजार ९५३ जना मतदाता छन् । साँझ ६ बजेसम्म मतदान समय निर्धारण गरिएको छ ।
आजै राती ८ बजेबाट मतगणना सुरु हुनेछ ।