युनियन हाइड्रोले साधारणसभा आह्वान गरेको छ। कम्पनीले पुस २२ गते ललितपुरको धोबिघाट स्थित सिद्धार्थ कटेजमा साधारणसभा आह्वान गरेको हो। अनलाइन माध्यमबाट पनि सभामा भाग लिन सक्ने कम्पनीले जनाएको छ ।
कम्पनीले साधारणसभा प्रयोजनको लागि पुस १४ गते बुक क्लोज गर्ने निर्णय गरेको छ । पुस १३ गते सम्म कायम शेयरधनीले मात्र साधारणसभामा भाग लिन सक्ने छन् । कम्पनीले लाभांश प्रस्ताव गरेको छैन ।
यस्तो छ कम्पनीको सभामा पेश हुने प्रस्ताव:
१. संचालक समितिको तर्फबाट अध्यक्षज्यूद्वारा आ.व. २०७८ / ०७९ को वार्षिक प्रतिवेदन प्रस्तुत, छलफल तथा स्वीकृत गर्ने सम्बन्धमा ।
२. लेखा परिक्षणको प्रतिवेदन सहित आ.व. २०७८/०७९ को वासलात, नाफा नोक्सान हिसाब र नगद प्रवाह लगायतका वित्तिय विवरणहरु माथी छलफल तथा स्वीकृत गर्ने सम्बन्धमा ।
३. आ.व.२०७२/०८० को लागि लेखापरिक्षकको नियुक्ति तथा निजको पारिश्रमिक निर्धारण सम्बन्धमा ।
४. विविध