मन्दाकिनी हाइड्रोपावरको लाभांश सुरक्षित गर्ने आज पुस २० गते अन्तिम दिन रहेको छ । कम्पनीले साधारणसभा प्रयोजनका लागि पुस २१ गते बुक क्लोज गर्ने निर्णय गरेकोले आज पुस २० गतेसम्म कायम शेयरधनीले मात्र कम्पनीको सभामा भाग लिन र प्रस्तावित लाभांश पाउँन सक्ने छन् ।
कम्पनीले पुस ३० गते साधारणसभा आह्वान गरेको छ । कम्पनीको मङ्सिर २९ गते बसेको संचालक समितिको बैठकले आर्थिक वर्ष ७८/७९ को मुनाफाबाट ५ प्रतिशत नगद लाभांश बितरण गर्ने प्रस्ताव गरेको थियो ।
कम्पनीको साधारणसभाले पारित गरेपछि उक्त लाभांश लगानीकर्तामा बितरण हुने छ ।