.gif)
एनआईसी एशिया बैंकले लाभांश घोषणा गरेको छ । बैंकको भदौ २८ गते बिहिबार बसेको संचालक समितिको बैठकले आर्थिक वर्ष ७९/८० को मुनाफाबाट वितरण गर्ने लाभांश प्रस्ताव गरेको हो ।
जस अनुसार बैंकले हाल कायम चुक्ता पुँजीको २९ प्रतिशत बोनस शेयर र कर प्रयोजनको लागि १.५ प्रतिशत नगद गरि कुल ३०.५ प्रतिशत लाभांश वितरण गर्ने प्रस्ताव गरेको बैंक स्रोतले जनाएको छ । बैंकले प्रस्ताव गरेको यो लाभांश बिजपाटीले प्रक्षेपण गरेको भन्दा १ प्रतिशत बिन्दु मात्र कम हो ।
दुई वर्ष लगानीकर्ताको हात खाली बनाएको एनआईसीले यस पटक ३०.५ प्रतिशत लाभांश वितरण गर्ने प्रस्ताव गरेको हो । नेपाल राष्ट्र बैंकले स्वीकृति दिएपछि र कम्पनीको आगामी साधारणसभाले पारित गरेपछि उक्त लाभांश लगानीकर्तामा वितरण हुने छ ।
यस संगै एनआईसी आर्थिक वर्ष ७९/८० को मुनाफाबाट लाभांश प्रस्ताव गर्ने चौथो वाणिज्य बैंक बनेको छ । माछापुच्छ्रे, एभरेष्ट, र सानिमा बैंकले यस अघि नै लाभांश प्रस्ताव गरिसकेका छन्।
