.gif)
एनआईसी एशिया बैंकले आर्थिक वर्ष २०७९/८० को मुनाफाबाट ३ अर्ब ७० करोड बराबरको लाभांश वितरण गर्ने भएको छ। बैंकको भदौ २८ गते बिहिबार बसेको संचालक समितिको बैठकले आर्थिक वर्ष ७९/८० को मुनाफाबाट वितरण गर्ने लाभांश प्रस्ताव गरेको हो ।
बैंकले कुल ३०.५२६३ प्रतिशत लाभांश वितरण गर्ने प्रस्ताव गरेको हो । बैंकले हाल कायम चुक्ता पुँजीको २९ प्रतिशतले हुन आउने ३ अर्ब ५३ करोड ६४ हजार ७ सय ९६ रुपैयाँ बराबरको बोनस शेयर वितरण गर्ने प्रस्ताव गरेको छ । त्यस्तै कर प्रयोजनको लागि १.५२६३ प्रतिशतले हुन आउने १७ करोड ६५ लाख ३ हजार २ सय ४० रुपैयाँ बराबरको नगद वितरण गर्ने प्रस्ताव गरेको छ । बैंकले कुल ३ अर्ब ७० करोड ६५ लाख ६८ हजार ३६ रुपैयाँ बराबरको लाभांश वितरण गर्ने प्रस्ताव गरेको हो । बैंकले प्रस्ताव गरेको यो लाभांश बिजपाटीले प्रक्षेपण गरेको भन्दा १ प्रतिशत बिन्दु मात्र कम हो ।
हाल बैंकको चुक्ता पुँजी ११ अर्ब ५६ करोड ४० लाख रहेको छ ।
दुई वर्ष लगानीकर्ताको हात खाली बनाएको एनआईसीले यस पटक ३०.५ प्रतिशत लाभांश वितरण गर्ने प्रस्ताव गरेको हो । नेपाल राष्ट्र बैंकले स्वीकृति दिएपछि र कम्पनीको आगामी साधारणसभाले पारित गरेपछि उक्त लाभांश लगानीकर्तामा वितरण हुने छ ।
यस संगै एनआईसी आर्थिक वर्ष ७९/८० को मुनाफाबाट लाभांश प्रस्ताव गर्ने चौथो वाणिज्य बैंक बनेको छ । माछापुच्छ्रे, एभरेष्ट, र सानिमा बैंकले यस अघि नै लाभांश प्रस्ताव गरिसकेका छन्।
.gif)
