विभिन्न देशका लागि प्रस्तावित चार राजदूतको सुनुवाई सोमबार हुँदैछ । संसदीय सुनुवाइ विशेष समितिको बैठकमा अहिले सुनुवाई भईरहेको छ ।
समिति सभापति लक्ष्मणलाल कर्णका अनुसार राजदूतहरुविरुद्ध दुईवटा उजुरी परेका छन्, तर उजुरीकर्ता छलफलमा आउन नचाहेकाले समिति बैठकमा उजुरीउपर छलफल हुने छैन । समितिले नाम अनुमोदन गरेपछि नियुक्तिको बाटो खुल्ने छ ।
गत जेठ २३ गते सरकारले अष्ट्रेलियाका लागि महेशराज दाहाल, बंगलादेशका लागि डा. वंशीधर मिश्र, कतारका लागि नारदनाथ भारद्वाज र स्पेनका लागि दावाफुटी शेर्पालाई प्रस्ताव गरेको थियो । समितिले प्रस्तावित राजदूतहरुविरुद्ध उजुरी दिन असार १४ गतेसम्म समयसीमा दिएको थियो ।
