अख्तियार दूरुपयोग अनुसन्धान आयोगले नायब सुब्बालाई रंगेहात पक्राउ गरेको छ । खख्तियारको टोलीले वैदेशिक रोजगार विभागका नायब सुब्बालाई रंगेहात पत्राउ गरेको हो ।
काठमाडौँको ताहचलस्थित विभागमा कार्यरत नायब सुब्बा प्रमोद निरौलालाई मंगलबार १५ हजार घुस लिइरहेको अवस्थामा पक्राउ गरेको अख्तियारले जनाएको छ ।
धरौटी रकम फिर्ता गर्ने क्रममा सेवाग्राहीसँग घुस मागेको उजुरी निवेदनका आधारमा आयोगको टोलीले निरौलालाई पक्राउ गरेको हो । साथै उनको साथबाट श्रोत नखुलेको एकहत्तर हजार छ सय बीस रुपैयाँसमेत बरामद भएको छ । उनीउपर थप अनुसन्धान भइरहेको अख्तियारको भनाई छ ।
निरौला विभागको आर्थिक प्रशासन शाखाका लेखापाल हुन् ।
