६० किलो सुन र भेपमा सुन राखेर ल्याएको प्रकरणमा पूर्व सभामुख कृष्ण बहादुर महरासहित थप ७ जनालाई मुद्दा चलाउन सिफारिस गरिएको छ । सुन प्रकरणको जाँचबुझ गर्न गठित आयोगले महरासहित थप ७ जनालाई पूरक अभियोगमार्फत मुद्दा चलाउन सिफारिस गरेको हो ।
आयोगले वाल्डो क्यासिनोको अकाउन्ट हेर्ने हङकङका नागरिक टेरेन्सलाई पनि मुद्दा चलाउन सिफारिस गरेको छ ।
मन्जील श्रेष्ठ, अविनाश रावत र जीवन गुरुङलाई पनि पुरक अभियोग लगाउन आयोगले सिफारिस गरेको छ । अविनाश विमानस्थल भन्सार कार्यालयका अधिकृत विष्णु पौडेलेका चालक हुन् । उनले भेपमार्फत ल्याएको सुन बेच्न भूमिका खेलेको आरोप छ ।
जीवन गुरुङ डिल्लीबजारमा सञ्चालित प्लाटिनम कलेजका सीईओ हुन् ।
गुरुङ अहिले १४ किलो सुन तस्करीमा संलग्न आरोपमा थुनामा छन् ।
