.gif)
प्रधानमन्त्री पुष्पकमल दाहालले मन्त्रिपरिषदको आकस्मिक बैठक बोलाएका छन् । प्रधानमन्त्री प्रचण्डले शुक्रबार साँझ ५ बजेका लागि मन्त्रिपरिषद बैठक बोलाएका हुन् ।
सुन तस्करी प्रकरणको जाँचबुझ गर्न बनेको आयोगले पूर्व सभामुख कृष्णबहादुर महरा लगायतलाई पुरक अभियोग लगाउन सिफारिस गरेपछि प्रधानमन्त्रीले मन्त्रिपरिषदको आकस्मिक बैठक डाकेका हुन् ।
अनुसन्धानमा संलग्न अधिकारीहरुले नै बयान च्यातेको र अभियुक्तलाई उम्काएको र ति अधिकारीहरुलाई समेत कारबाहीको सिफारिस भएको छ । आयोगले सुझाव दिए लगत्तै उपप्रधान तथा गृहमन्त्री रवि लामिछानेले प्रधानमन्त्री प्रचण्डलाई भेटेका थिए ।
गृहमन्त्रीले उक्त आयोगको सिफारिस कार्यान्वयन गर्ने तयारी थालिसकेका छन् । आजको मन्त्रिपरिषद बैठकबाट समेत उक्त प्रतिवेदन कार्यान्वयन गर्ने निर्णय हुने बताइएको छ ।
