महालेखापरीक्षकमा तोयम राया सिफारिस भएका छन् । संवैधानिक परिषद्को आज बसेको बैठकले राय लाई महालेखा परीक्षकमा नियुक्त गर्न सिफारिस गरेको हो ।
पूर्व अर्थसचिव रहिसकेका राया हाल राष्ट्रिय तथ्यांक कार्यालयमा प्रमुख तथ्यांक अधिकारी (सचिव)को रुपमा कार्यरत छन् । अब संसदीय सुनुवाई समितिले अनुमोदन गरेपछि उनी महालेखापरिक्षक नियुक्त हुने छन् । महालेखापरिक्षकको कार्यकाल ६ वर्षको हुनेछ।
गत जेठ ८ गते टंकमणि शर्मा सेवानिवृत्त भएपछि यो पद रिक्त रहेको थियो ।
महालेखापरीक्षकका लागि १६ जनाको आवेदन परेको थियो ।