राष्ट्रिय आविष्कार केन्द्रले दाँत कोट्याउने सिन्का बनाउने मशिन बनाएको छ। केन्द्रले यसको मूल्य १८ लाख नेपाली रुपैयाँ (भ्याट बाहेक) तोकेको छ।
केन्द्रका अध्यक्ष महाविर पुनका अनुसार यसमा ८ वटा मशिनहरुको सेट रहेको छ। नेपालको परिवेश अनुसार यसको मूल्य महँगो नभएको उनको भनाई छ ।
उनका अनुसार भारतमा बनेको यस्तै मशिन नेपालमा ल्याउँदा सबै कर र ढुवानी लगाएर २५ लाख रुपैंया जति लाग्छ। राष्ट्रिय आविष्कार केन्द्रमा बनेको यो मशिन खरिद गर्दा एक बर्षको पुरा ग्यारेन्टी पनि हुने पनि उनले बताएका छन् ।