.gif)
रसुवागढी हाइड्रो र सान्जेंन जलविद्युतले निष्काशन गरेको आईपिओमा उत्साहजनक आवेदन परेको छ । दुवै कम्पनीले बैशाख ६ गते आईपिओ निष्काशन गरेका थिए ।
रसुवागढीले एक अर्ब दुई करोड ६३ लाख १५ हजार बराबरको एक करोड दुई लाख ६३ हजार १५० कित्ता आईपिओ निष्काशन गरेको हो। यसमध्ये ४ प्रतिशत अर्थात् ४ लाख १० हजार ५ सय २६ कित्ता कमर्चारीको लागि र ५ प्रतिशत अर्थात् ५ लाख १३ हजार १ सय ५७ कित्ता शेयर सामुहिक लगानी कोषको लागि छुट्याइएको छ। बाँकि रहेको ९३ लाख ३९ हजार ४ सय ६७ कित्ताको सर्वसाधारणले आवेदन दिन सक्ने छन् ।
कम्पनीको आईपिओमा आवेदन दिने आज अन्तिम दिन बेलुका ५ बजेसम्ममा ३ लाख ७ हजार ७५ आवेदकबाट १ करोड ७६ लाख ४५ हजार २ सय १० कित्ताको लागि आवेदन परेको हो । यो माग भन्दा १.८८ गुणा बढी आवेदन हो । आवेदन भेरिफाई हुने क्रम मै रहेकोले यो संख्या केहि थपघट हुन् सक्ने छ ।
त्यस्तै सान्जेंन जलविद्युतले ५४ लाख ७५ हजार कित्ता आइपीओ निष्काशन गरेको हो । यसमध्ये ५ प्रतिशत अर्थात २ लाख ७३ हजार ७५० कित्त्ता सामुहिक लगानी कोष, ४ प्रतिशत अर्थात २ लाख १९ हजार कित्ता कम्पनीका कर्मचारीका लागि छुट्याइएको छ। बाँकि रहेको ४९ लाख ८२ हजार २ सय ५० कित्ताको लागि सर्वसाधारणले आवेदन दिएका हुन ।
कम्पनीको आईपिओमा आवेदन दिने आज अन्तिम दिन बेलुका ५ बजे सम्ममा ३ लाख ४ हजार ६९ वेदकबाट १ करोड ४१ लाख ३२ हजार ८ सय ४० कित्ताको लागि आवेदन परेको छ । यो माग भन्दा २.८३ गुणा बढीको आवेदन हो । आवेदन भेरिफाई हुने क्रम मै रहेकोले यो संख्या केहि थपघट हुन् सक्ने छ ।
.gif)
