साताको तेस्रो दिन नेप्से सूचक दोहोरो अंकले बढेको छ । आज नेप्से सूचक १२.२७ अंकले बढेर १४५६.०७ को उचाईमा पुगेर रोकिएको छ । आज कारोबारमा आएका १ सय ५८ कम्पनीका ९ लाख १५ हजार ४ सय २६ कित्ता शेयर खरिद बिक्रि बाट १० करोड १७ लाख ७० हजार ५ सय ९ रुपियाँको कारोबार भएको छ ।
आज कारोबारमा आएका उत्पादन समूह बाहेकका सबै समुहगत सूचक बढेका छन् ।
आज नेपाल लाइफ इन्स्योरेन्सको सबै भन्दा धेरै ६ करोड ३६ लाख बराबरको कारोबार भएको छ । बढी कारोबार गर्ने अन्य कम्पनीमा सानिमा माई हाइड्रो, एभरेस्ट बैंक, स्ट्याण्डर्ड चार्टर्ड बैंक, बुटवल पावर कम्पनी लगायत रहेका छन् ।
आज बेस्ट फाइनान्स कम्पनीका लगानीकर्ताले सर्बाधिक ६.११ प्रतिशत कमाएका छन् भने एभरेस्ट इन्स्योरेन्सका लगानीकर्ताले सर्बाधिक ९.९८ प्रतिशत गुमाएका छन् ।