नेपाल राष्ट्र बैंकका गभर्नर महाप्रसाद अधिकारीले मूल्य वृद्धिलाई ७ प्रतिशत कै सीमा भित्र नै राख्न प्रयास गरिने बताएका छन् । आज अर्थ मन्त्रालयमा आयोजित बजेटबारेको पत्रकार सम्मेलनमा बोल्दै गभर्नर अधिकारीले मौद्रिक नीति तयार पार्दा मूल्य वृद्धिलाई ७ प्रतिशत कै सीमा भित्र नै राख्न प्रयास गरिने बताएका हुन्।
उनले बजेटले दिएको सीमा भित्र नै मूल्यवृद्धि राख्ने प्रयास गर्ने जनाएका हुन् । सरकारले सार्वजनिक गरेको बजेट बक्तब्यमा मुद्रास्फीतिलाई ७ प्रतिशतमा सीमित राख्ने गरी नेपाल राष्ट्र बैंकले मौद्रिक नीति तर्जुमा गर्ने उल्लेख छ।
गभर्नरले प्रयास गर्ने मात्र उल्लेख गरेकोले मूल्यवृद्धि सो सीमा भित्र रहनेमा राष्ट्र बैंक आफै विश्वस्त नरहेको देखिन्छ ।
