अर्थमन्त्री जनार्दन शर्माले महिलाहरुले माईतीघरमा ‘रातो कर माफ गर’ भनेर आन्दोलन गरेपछि सेनेटरी प्याडको आयातमा ९० प्रतिशत भन्सार छुट दिने नीति लिईएको बताएका छन् ।
प्रतिनिधिसभाको उद्योग समितिमा अर्थमन्त्री शर्माले ‘रातो कर माफ गर’ भनेर गरिएको आन्दोलनले आफूलाई प्याडको आयातमा ९० प्रतिशत भन्सार छुट दिन बाध्य बनाएको बताएका हुन् । उनले यो विषय अलिकती नीति भन्दा बाहिर गएको जस्तो देखिएपनि सोचेरै ल्याइएको दाबी गरे ।
‘बाहिरबाट आउँदा छुट दिने, २ सय करोडको सेनेटरी प्याड सरकारले किन्ने’ अर्थमन्त्रीले भने, ‘महिलाको आवाजलाई पनि सम्बोधन गरिएको छ, देश भित्रकै उत्पादित सामान पनि सरकारले किन्दिने भएपछि उद्योगहरुलाई पनि कुनै समस्या भएन ।’
