बीमा पहुँचको दायरा घटेको छ । चालु आर्थिक वर्षको माघ मसान्तसम्म बीमा गर्ने मानिसहरुको संख्या घटेको हो ।
चालु आवको माघ मसान्तसम्म ४३.१४ प्रतिशत जनतामात्र बीमाको दायरामा आएका छन् । गत आर्थिक वर्षको माघ मासान्तसम्म बीमाको दायरमा आवद्ध हुने नागरिकको संख्या ४४.७० प्रतिशत थियो।
बीमको दायरमासँगै बीमा कम्पनीहरुको कार्यलयहरु पनि घटेको छ । पछिल्लो एक वर्षमा बीमा कम्पनीको शाखाहरु ९.२५ प्रतिशतले घटेको हो । हाल बीमा कम्पनीहरुको कार्यालय संख्या २ हजार ८९४ वटा रहेको थियो । गत आवको सोहि अवधिमा बीमकको कार्यालयहरु ३ हजार १८९ वटा थियो ।
कार्यालयसँगै बीम क्षेत्रमा काम गर्ने कर्मचारीको संख्यामा समेत गिरावट आएको छ । गत आवको माघ मसान्तसम्म बीमा क्षेत्रमा कार्यरत कर्मचारीको संख्या ११ हजार ५ सय ३४ जना रहेको थियो । हाल ०.५७ प्रतिशतले घटेर ११ हजार ४७२ जनाले बीमा कम्पनीहरुमा काम गरिरहेका छन् । जसमध्ये जीवन बीमा कम्पनी तर्फ २.२९ प्रतिशतले कर्मचारी घटेका हुन् । निर्जीवन तर्फ भने १.२५ प्रतिशतले कर्मचारी बढेका छन् ।