.gif)
चालु आर्थिक बर्षको ९ महिनाको अवधिमा नेपालको वैदेशिक ब्यापार घाटा ८ खर्व १४ अर्ब नाघेको छ । गत आर्थिक बर्षको यसै अवधिमा ब्यापार घाटा ६ खर्ब ७० अर्ब रहेकोमा अहिले २१ प्रतिशतले बढेर सवा ८ खर्ब पुगेको हो । पछिल्लो एक महिनामा मात्र ब्यापार घाटा १ खर्ब नाघेको छ । साउनदेखि फागुनसम्मको अवधिमा ब्यापार घाटा ७ खर्ब १३ अर्ब रहेको थियो । चैत्र महिनामा मात्र घाटा १ खर्ब बढीले बढेको हो ।
९ महिने समीक्षा अवधिमा नेपालले ८ खर्ब १४ अर्ब बराबरको समान आयात गरेको छ भने केवल ५९ अर्व ७३ करोड बराबरको निर्यात गरेको छ । ८ खर्ब १४ अर्ब बराबरको समान आयात गर्दा २ खर्ब १७ अर्व राजश्व उठेको छ ।
नेपालको ब्यापार घाटा सबै भन्दा धेरै भारतसंग छ । यस ९ महिने समीक्षा अवधिमा भारतसंग घाटा ५ खर्ब ४१ रहेको छ । भारतपछि चीनसंग १ खर्ब ११ करोड ब्यापार घाटा छ ।
आयात गरिने वस्तु मध्ये सबै भन्दा पेट्रोलियम पदार्थ रहेको छ । ९ महिनाको अवधिमा नेपालले १ खर्ब ३५ अर्ब बराबरको पेट्रोलियम पदार्थ आयात गरेको छ ।
सबै भन्दा धेरै आयात (३४ प्रतिशत) बिरगंज भन्सारबाट भएको छ भने सबै भन्दा धेरै निर्यात (३१ प्रतिशत) बिराटनगर भन्सारबाट भएको छ ।
